Радца прэзідэнта Літвы: Вільнюс не мае намеру здымаць санкцыі з рэжыму Лукашэнкі

• 3.11.2026, 17:55

Мінск не змяняе сваіх паводзінаў.

Перагляд рэжыму санкцый у дачыненні да Беларусі быў бы магчымы пры змене паводзінаў Мінска, асабліва ў частцы падтрымкі РФ у вайне супраць Украіны, аднак на гэты конт у Вільнюса «няма ілюзій», — заявіў у эфіры радыё «Žinių radijas» галоўны радца прэзідэнта па пытаннях нацыянальнай бяспекі Дэйвідас Матулёніс.

Як перадае LRT, суразмоўца выказаў здзіўленне нядаўняй публікацыяй выдання Politico, у якой сцвярджаецца, што ЗША працягваюць аказваць на Літву ціск у пытанні транзіту беларускага калію: «Кантакты былі некалькі месяцаў таму, была дыскусія на гэты конт, пасля гэтага нічога не было».

ЕС прагаласуе за падаўжэнне санкцый у дачыненні да Мінска напрыканцы лютага, нагадаў радца прэзідэнта. Літва «прытрымліваецца пазіцыі, што санкцыі (уведзеныя ў 2022 годзе) павінны дзейнічаць», адзначае LRT.