У Віцебскай вобласці з-за лася, які выбег на дарогу, адбылося ДТЗ

• 3.11.2026, 23:09

Маршрутнае таксі з пяццю пасажырамі выляцела ў кювет.

Лось, які выбег на дарогу, стаў прычынай ДТЗ з удзелам маршрутнага таксі ў Дубровенскім раёне, паведамляе ДАІ Віцебшчыны.

Здарэнне адбылося вечарам 3 лістапада на аўтадарозе Орша — Дуброўна каля вёскі Лугоўцы. 33-гадовы кіроўца маршрутнага таксі, каб не сутыкнуцца з ласём, які раптоўна выбег на праезную частку, выехаў на паласу сустрэчнага руху.

Там ён па дотычнай сутыкнуўся з аўтамабілем МАЗ, пасля чаго з'ехаў у кювет і перакуліўся.

У маршрутным таксі знаходзіліся пяць пасажыраў і кіроўца. У выніку ДТЗ 60-гадовы пасажыр шпіталізаваны ў ўстанову аховы здароўя.

ДАІ заклікае кіроўцаў быць максімальна ўважлівымі. Выбар бяспечнай хуткасці ў раёне ляснога масіву і асцярожнасць пры праездзе небяспечных участкаў дазволяць пазбегнуць ДТЗ.