Аўстраліец выпадкова стаў мільянерам падчас рыбалкі

• 4.11.2026, 5:10

Мужчына выпадкова ўзяў удзел у спаборніцтвах.

Жыхар аўстралійскага Дарвіна, які выпадкова прыняў удзел у спаборніцтвах па лоўлі рыбы, нечакана для сябе выйграў вялізны грашовы прыз. Пра гэта паведамляе газета The Guardian.

26-гадовы жыхар Мэцью Морыс адправіўся на рыбалку са сваім братам, які прыехаў з-за мяжы. Паводле яго слоў, рыбалка была толькі падставай для зносін з сваяком. Падчас размовы з братам Морыс выпадкова злавіў белага марскога акуня даўжынёй каля 80 сантыметраў, на якім аказалася чырвоная метка.

Высветлілася, што арганізатары рыбалоўнага конкурсу Million Dollar Fish выпусцілі ў вадаёмы рэгіёна сто марскіх акуняў з меткамі, за злоў якіх былі прызначаныя прэміі ў памеры 10 тыс. аўстралійскіх долараў ($6,96 тыс.). А той, хто злавіў рыбу з чырвонай меткай, атрымліваў галоўны прыз — 1 млн аўстралійскіх долараў ($696 тыс.).

Цікава, што пераможца, для якога поспех стаў абсалютна нечаканым, не быў афіцыйна зарэгістраваным удзельнікам конкурсу, бо не збіраўся ў ім удзельнічаць. Шчасліўчык заявіў журналістам, што на атрыманыя грошы, хутчэй за ўсё, купіць дом.