Мелоні заступілася за Папу Рымскага перад Трампам

• 13.04.2026, 23:29

Прэм'ер-міністр Італіі назвала недапушчальнымі словы прэзідэнта ЗША.

Выказванні прэзідэнта ЗША Дональда Трампа у адрас Папы Рымскага Льва XIV з'яўляюцца недапушчальнымі, заявіла прэм'ер-міністр Італіі Джорджа Мелоні, перадае ANSA.

У панядзелак, 13 красавіка, рэспубліканец рэзка раскрытыкаваў кіраўніка Рымска-каталіцкай царквы, заявіўшы, што ён «жахлівы ў знешняй палітыцы» і праяўляе слабасць у пытаннях злачыннасці. Пазней ён адмовіўся прасіць прабачэння за свае словы, перадае прэс-пул Белага дома. Пантыфік, які з'яўляецца першым амерыканскім Папам Рымскім, са свайго боку заявіў, што не мае намеру спрачацца з Трампам і падкрэсліў, што «хтосьці павінен устаць і сказаць, што ёсць лепшы выхад», пакуль гіне мноства нявінных людзей. Ватыкан назваў крытыку Трампа на адрас Папы прыкметай бяссілля.

«Лічу словы прэзідэнта Трампа пра Святога Айца недапушчальнымі. <...> Папа — кіраўнік каталіцкай царквы, заклікаць да міру і асуджаць усе формы вайны для яго правільна і нармальна», — сказала Мелоні.

Італьянская прэм'ер-міністр цесна супрацоўнічае з адміністрацыяй Трампа і была адзіным еўрапейскім лідарам на цырымоніі яго інаўгурацыі ў студзені 2025 года.