У Крамлі пакрыўдзіліся на тролінг Зяленскага

• 9.05.2026, 8:15

З'явілася рэакцыя ў выкананні Пяскова.

Прэс-сакратар Крамля Дзмітрый Пяскоў вырашыў адрэагаваць на дазвол прэзідэнта Украіны Уладзіміра Зяленскага правесці 9 мая парад у Маскве.

Пра гэта паведамляе Charter97.org са спасылкай на расійскія СМІ.

«Нам не патрэбны нічый дазвол. Гора таму, хто спрабуе кпіць з «Дня Перамогі» і рабіць такія дурныя жарты. Гэта, напэўна, хутчэй яго вялікая бяда. А нам не патрэбны нічый дазвол, каб ганарыцца нашым «Днём Перамогі», - сказаў Пяскоў.

Таксама ён дадаў, што прадаўжэнне перамір'я паміж РФ і Украінай да 11 мая — гэта ініцыятыва прэзідэнта ЗША Дональда Трампа.