ЗСУ ракетамі ўдарылі па мосце з акупаванага Генічэска на Арабатскую стралку

• 10.06.2026, 9:08

Рух расійскага транспарту перакрыты.

Узброеныя сілы Украіны ў ноч на 10 чэрвеня нанеслі ўдар па мосце з часова акупаванага Генічэска на Арабатскую стралку.

Гэтую інфармацыю пацвердзіў так званы «губернатар» Херсонскай вобласці Уладзімір Сальда, прызначаны расійскімі акупантамі, піша Диалог.UA.

Акупацыйная расійская адміністрацыя сцвярджае, што для ўдару па мосце ў раёне Генічэска ЗСУ прымянілі ракеты.

Наступствы ўдару пакуль невядомыя, але рух транспарту ў гэтым раёне перакрыты. Перад гэтым, 9 чэрвеня, украінскія БПЛА атакавалі Чангарскі мост — адзіны кароткі шлях паміж анексаваным Крымам і мацерыковай часткай Украіны.

Расійскія акупанты перакрылі рух і заклікалі мясцовых жыхароў выбіраць шлях у аб'езд. Такім чынам, Сілы абароны Украіны паслядоўна блакуюць сухапутны калідор з Расіі ў анексаваны Крым.

ЗСУ пачалі наносіць удары па лагістыцы расійскіх акупантаў у сухапутным калідоры ў Крым у маі бягучага года. Ідзе гаворка пра трасу з Растова-на-Доне праз Таганрог і далей праз акупаваныя Марыупаль, Бердзянск, Мелітопаль і Джанкой.

Страты ворага ў сухапутным калідоры ў Крым за апошні час сталі настолькі вялікімі, што камандуючы ўгрупаваннем войскаў «Усход» акупацыйнай арміі РФ забараніў рух ваеннага грузавога транспарту на ўчастку Марыупаль – Бердзянск – Мелітопаль – Сімферопаль на часова акупаваных тэрыторыях Украіны.