У Амскай вобласці РФ упершыню з пачатку вайны абвясцілі паветраную трывогу

• 10.06.2026, 11:08

ЗСУ пашыраюць геаграфію ўдараў.

Раніцай 10 чэрвеня 2026 года ў Амскай вобласці Расіі ўпершыню з пачатку поўнамаштабнага ўварвання расійскай арміі ва Украіну абвясцілі паветраную трывогу.

Пра гэта піша Диалог.UA, правёўшы аналіз сацыяльных сетак. Губернатар Амскай вобласці Віталій Хоценка пра абвяшчэнне беспілотнай небяспекі ў рэгіёне паведаміў у 07:01. Праз 30 хвілін, у 07:31, у гэтым расійскім рэгіёне беспілотную небяспеку адмянілі. Пра выбухі нічога не паведамлялася.

Раней у Амскай вобласці паветраную трывогу ніколі не абвяшчалі. Трэба адзначыць, што адлегласць ад Украіны да гэтага расійскага рэгіёна складае больш за 2800 км.

Прэзідэнт Украіны Уладзімір Зяленскі нядаўна заявіў, што ЗСУ будуць пашыраць геаграфію ўдараў па ваенных і стратэгічных аб’ектах на тэрыторыі РФ. Ён падкрэсліў, што расійскі дыктатар Уладзімір Пуцін павінен скончыць вайну, інакш Кіеў узмоцніць свае «далёкабійныя санкцыі» супраць Расіі.