Украінскія вайскоўцы адрэзалі акупантам доступ да порта Марыупаля

• 10.06.2026, 12:14

Аперацыю правялі байцы «Азова» разам з СБУ і СБС.

Украінскія Сілы абароны нанеслі ўдар па аб’ектах партавой інфраструктуры ў акупаваным Марыупалі, які выкарыстоўваецца расійскімі войскамі для лагістычнага забеспячэння на поўдні Украіны.

Як паведамілі у 1-м корпусе НГУ «Азоў», аперацыя была праведзена сумесна з падраздзяленнямі СБУ і СБС Украіны.

У выніку атакі былі паражаныя аб’екты крытычнай інфраструктуры порта. Пашкоджанні атрымалі электрападстанцыі, радыёлакацыйнае абсталяванне, рамонтная інфраструктура, дыспетчарская вежа і рэзервуары з гаруча-змазачнымі матэрыяламі.

Таксама вядома пра паражэнне сухагруза Lady Augusta, які знаходзіцца пад санкцыямі і выкарыстоўваецца ў складзе расійскага «ценявога флоту».

У «Азове» заявілі, што пасля ўдару порт апынуўся цалкам абясточаны, а магчымасці яго выкарыстання ў ваенных мэтах на дадзены момант адсутнічаюць.