Беспілотнікі СБУ паразілі нафтаперакачвальныя станцыі, якія пастаўляюць паліва ў Маскву

• 10.06.2026, 13:10

Адлегласць ад мяжы Украіны да мэт — каля 700 кіламетраў.

Дзве нафтаперакачвальныя станцыі, якія забяспечваюць Маскву палівам, гараць пасля атакі СБУ. Адлегласць да мэт складае каля 700 км.

Пра гэта паведамляе Служба бяспекі Украіны ў Telegram.

Ідзе гаворка пра паражэнне станцый «Второво» і «Лобково» ва Уладзімірскай вобласці РФ.

Асноўнае прызначэнне станцый — перакачка дызелю ў Маскоўскі кальцавы прадуктаправод, а таксама транспартаванне на экспарт у парты Балтыйскага мора. У прыватнасці, праз нафтаналіўны порт Прыморск.

Мясцовыя ўлады пацвердзілі пажары на двух аб’ектах інфраструктуры пасля удараў беспілотнікаў СБУ.

Паводле дадзеных сэрвісу NASA FIRMS, у раёнах размяшчэння абедзвюх нафтаперакачвальных станцый зафіксаваныя цеплавыя анамаліі, што сведчаць пра пажары.

Чаму гэта важна

У СБУ адзначаюць, што нафтаперакачвальныя станцыі з’яўляюцца важнымі элементамі паліўнай лагістыкі Расіі.

Праз іх ажыццяўляюцца:

пастаўкі паліва ў прамысловыя цэнтры;

забеспячэнне вайсковай інфраструктуры;

транспартаванне нафтапрадуктаў на экспарт.

У спецслужбе адзначаюць, што парушэнне работы такіх аб’ектаў ускладняе лагістыку расійскай паліўнай сістэмы і ўплывае на экспартныя магчымасці краіны-агрэсара.