У цэнтры Мінска з аўкцыёну прадаюць будынак банка

• 13.06.2026, 15:25

Плошча лота складае каля 490 квадратных метраў.

Беларускі Сбер Банк выстаўіў на аўкцыён офісны будынак на вуліцы Кальварыйскай. Аб'ява пра таргі з'явілася на сайце ІПМ-таргі.

Плошча лота складае каля 490 квадратных метраў. У будынку 1978 года пабудовы чатыры паверхі (з іх адзін — падземны).

Аўкцыён стартуе 14 ліпеня з 2 млн рублёў.

Гэта не першы выпадак за апошнія гады, калі Сбер Банк прапаноўвае набыць свае офісы. Напрыклад, вясной гэтага года на таргі быў выстаўлены іншы будынак у Мінску — на вуліцы Уральскай. Стартавая цана складала амаль 4,4 млн рублёў. Лот быў прададзены за больш чым 5 млн рублёў.

Акрамя таго, раней на таргах Сбер Банк выстаўляў сваю нерухомасць у Полацку, Жодзіне, Мазыры і іншых гарадах.