Брытанія раскрыла падрабязнасці першай аперацыі па абордажы танкера «ценявога флоту» РФ

• 14.06.2026, 13:51

Аперацыя спецназу доўжылася шэсць гадзін.

Раніцай у нядзелю, 14 чэрвеня, узброеныя сілы Вялікабрытаніі перахапілі ў Ла-Маншы танкер «ценявога флоту» РФ. Пра гэта паведаміў брытанскі прэм’ер Кір Стармер, які аддаў распараджэнне затрымаць судна.

У заяве Міністэрства абароны Вялікабрытаніі паведамляецца, што вайсковая аперацыя ў праліве доўжылася 6 гадзін і ажыццяўлялася пры падтрымцы самалётаў марскай авіягрупы Chinook, Merlin Mk4 і Wildcat, самалёта RAF P-8, а таксама фрэгатаў «Сазерленд» і «Ледберы».

На борт судна падняліся марскія пехацінцы і супрацоўнікі спецназу з Нацыянальнага агенцтва па барацьбе са злачыннасцю.

Танкер часова перамесцяць на якарную стаянку каля паўднёвага ўзбярэжжа Англіі на час расследавання.

У Міністэрстве абароны асобна падкрэслілі, што прымусовыя меры ў дачыненні да судна ў тэрытарыяльных водах Вялікабрытаніі былі прынятыя ў адпаведнасці з нацыянальным і міжнародным правам.