У Мінск прыляцеў Лаўроў

• 14.06.2026, 19:05

Кіраўнік МЗС РФ правядзе сустрэчу з Лукашэнкам.

Борт кіраўніка МЗС Расіі Сяргея Лаўрова прызямліўся ў аэрапорце Мінска, перадае ТАСС.

Агенцтва ўдакладняе, што міністр прыбыў у Беларусь з рабочым візітам.

Да гэтага ў МЗС Расіі паведамілі, што паездка Лаўрова ў нашу краіну адбудзецца 14–15 чэрвеня. Міністр сустрэнецца з Аляксандрам Лукашэнкам і сваім калегам Максімам Рыжанковым.

У ведамстве дадалі, што падчас сустрэч міністра ў Беларусі будзе разгледжана шырокае кола актуальных пытанняў двухбаковага супрацоўніцтва і міжнароднай павесткі дня. Асаблівая ўвага будзе нададзена працы па дыпламатычным суправаджэнні «інтэграцыйных працэсаў» у межах «саюзнай дзяржавы».