Расія нанесла ўдар па Кіева‑Пячэрскай лаўры: пачаўся пажар

• 15.06.2026, 7:33

Таксама пашкоджаны жылыя дамы і кінастудыя Даўжэнкі.

У ноч на 15 чэрвеня расійскія войскі нанеслі па Кіеву масіраваны ўдар, выкарыстаўшы дроны, балістычныя і крылатыя ракеты.

У выніку атакі 140 тысяч абанентаў засталіся без святла, а таксама пашкоджаны Успенскі сабор Кіева‑Пячэрскай лаўры.

Пацярпела Нацыянальная кінастудыя імя Даўжэнкі, дзе згарэла найбуйнейшая калекцыя касцюмаў Украіны. Разбураны і пашкоджаны жылыя дамы і аб’екты інфраструктуры ў дзесяці раёнах сталіцы Украіны. Паводле апошніх звестак, 25 чалавек паранены, а 4 загінулі.

Начальнік КМВА Тымур Ткачэнка заявіў, што расіяне свядома атакавалі Лаўру.

«Дзякуючы зладжаным дзеянням брацтва Лаўры, выратавальнікаў і пажарных удалося мінімізаваць пагрозы для людзей і захаваць святыні», — адзначыў архіепіскап Аўраамій.

Віцэ‑прэм'ер па гуманітарнай палітыцы Таццяна Беражная пацвердзіла, што ў выніку ўдару знішчаны касцюмерны цэх кінастудыі Даўжэнкі, дзе захоўвалася каля 100 тысяч касцюмаў і тры мільёны адзінак адзення.