Вадзіцелям маршрутак варта быць напагатове

• 15.06.2026, 11:23

Гэта тычыцца і пасажыраў.

ДАІ Мінскай вобласці з 15 чэрвеня арганізавала прафілактычныя рэйды дзеля папярэджання парушэнняў з боку вадзіцеляў маршрутак.

Прафілактычнае мерапрыемства будзе праводзіцца чатыры дні — да 18-га чысла.

У зоне асаблівай увагі інспектараў — выяўленне няспраўных мікрааўтобусаў на маршрутах, парушэнняў правілаў манеўравання і абгону, выпадкаў праезду на чырвонае святло.

Акрамя таго, падчас рэйдаў правераць, ці не перавышаюць вадзіцелі дазволеную хуткасць.

Таксама інспектары будуць сачыць за тым, каб усе пасажыры былі прышпіленыя рамянямі бяспекі, а салон не быў перапоўнены звыш колькасці пасадачных месцаў.