«Аэрафлот» адмяніў два рэйсы ў Мінск

• 18.06.2026, 11:36

З-за атакі дронаў.

«Аэрафлот» адмяніў два рэйсы паміж Масквой і Мінскам на фоне атак беспілотнікаў на расійскую сталіцу.

Паводле паведамленняў расійскіх СМІ, у выніку налёту дронаў былі зафіксаваныя пападанні па Маскоўскім нафтаперапрацоўчым заводзе. З-за пагрозы атак часова была абмежаваная праца аэрапортаў Масквы.

На гэтым фоне «Аэрафлот» адмяніў рэйсы з аэрапорта Шэрамецьева, запланаваныя на 10:10 і 12:15. Таксама не будуць выкананыя зваротныя рэйсы з Мінска ў Маскву з вылетам у 12:15 і 14:45.

Нагадаем, Масква і вобласць у чацвер, 18 чэрвеня, падвергліся найбольш масіраванай атацы ўкраінскіх дронаў. Пад удар зноў трапіў НПЗ у Капотні, над горадам падымаюцца густыя клубы дыму.