У Беларусі забароняць арганізаваныя паездкі дзяцей за мяжу

• 18.06.2026, 13:46

Пра гэта заявіў Лукашэнка.

Лукашэнка даручыў забараніць паездкі дзіцячых груп за мяжу без дзяржаўнага нагляду і адпаведнага дазволу. Пра гэта ён заявіў, каментуючы атаку дрона на аўтобус з беларускімі грамадзянамі, у тым ліку дзецьмі, у Бранскай вобласці, паведамляе БелТА.

«Я не хачу тут нікога асуджаць, але хачу папрасіць нашых людзей, і асабліва бацькоў, калі мы маем справу з дзецьмі: трэба пасядзець дома гэты час. Трэба займацца футболам і іншымі мерапрыемствамі тут. Тут больш камфортна ў ціхай, спакойнай краіне. І трэба забараніць усялякія паездкі без дзяржаўнага на тое нагляду і дазволу», — заявіў ён.

У сувязі з тым, што адбылося, Аляксандр Лукашэнка звярнуў увагу на шэраг акалічнасцяў, згадаўшы пра мэту паездкі групы беларускіх дзяцей у Геленджык.

«Хачу звярнуць увагу на сам факт: бацькі, а яны гэтага не адмаўляюць, арганізавалі гэту паездку то на адпачынак, то дзеля таго, каб трэніраваць людзей гуляць у футбол у Геленджыку. Слухайце, у нас што, зямлі не хапае, каб у футбол гуляць? У нас палёў не хапае, каб па-людску нармальна і дзецям, і дарослым камандам займацца футболам? Хапае».

Слухайце, у нас што, зямлі не хапае, каб у футбол гуляць? У нас палёў не хапае, каб па-людску нармальна і дзецям, і дарослым камандам займацца футболам? Хапае».

Для паездкі да месца прызначэння бацькі звярнуліся ў прыватную кампанію і нанялі аўтобус.

«Не хачу тут асуджаць і гэтую прыватную кампанію. Яны працавалі законна — індывідуальныя прадпрымальнікі. Узялі аўтобус, паехалі, — сказаў Аляксандр Лукашэнка. — А цяпер некаторыя прэтэнзіі прад'яўляюць. Не трэба нам прад'яўляць прэтэнзіі. Трэба дарослым людзям, нам і, перш за ўсё, бацькам, асцярожней да гэтага ставіцца».

Заўважым, шэраг экспертаў лічыць, што ўдар па аўтобусе — расійская правакацыя.