Прапагандыст Салаўёў заклікаў расіянаў рыхтавацца да самаахвяравання

• 18.06.2026, 18:14

Пажары ў Маскве карэктуюць рыторыку прыхільнікаў Пуціна.

Прапагандысцкая машына Крамля перайшла на новы ўзровень. Галоўны рупар пуцінскага рэжыму Уладзімір Салаўёў звярнуўся да расіянаў з заклікам, які цяжка ўявіць у любой нармальнай краіне. Прапагандыст наўпрост заявіў пра неабходнасць «самаахвяравання»:

«Цяпер якраз такая сітуацыя, калі трэба сабе адказаць на пытанне. Можам паўтарыць? Калі так, дык трэба многія рэчы разумець. Многія рэчы разумець і рыхтавацца да таго, што будзе цяжка. І да самаахвяравання. І шукаць у сваёй душы і ў гісторыі сваіх сем’яў апору. А якія ў нас яшчэ варыянты? Якія ў нас яшчэ варыянты?»

Заклік рыхтавацца да самаахвяравання Салаўёў агучыў пасля таго, як украінскія беспілотнікі нанеслі магутны ўдар па НПЗ у Маскве і атакавалі іншыя рэгіёны РФ.