Расіяне перакрылі рух аўтатранспарту па Крымскім мосце

• 18.06.2026, 21:26

Баяцца атак Узброеных Сіл Украіны?

Па Крымскім мосце часова спынены рух аўтатранспарту, паведамляе канал інфармацыйнага цэнтра па аўтамабільных дарогах.

«Тых, хто знаходзіцца на мосце і ў зоне дагляду, просім захоўваць спакой і кіравацца ўказаннямі супрацоўнікаў транспартнай бяспекі», — гаворыцца ў паведамленні.

Прычыны часовай прыпынкі руху не ўдакладнілі.

Раней рух спынілі на адным з участкаў Крымскай чыгункі. Аператар цягнікоў «Таврыя» паведаміў, што пасажыраў складаў, якія накіроўваліся ў Крым, дастаўлялі да канчатковых пунктаў маршруту аўтобусамі ад станцыі Уладзіславаўка. Цягнік Сімферопаль — Масква адпраўленнем 18 чэрвеня адмянілі, пасажыраў планавалі перасадзіць на іншыя цягнікі.

8 чэрвеня ў Крыме прыпынялі рух прыгарадных цягнікоў на ўчастках Сімферопаль — Джанкой, Армянск — Джанкой і Яркая — Сімферопаль. У той дзень беспілотнік атакаваў цягнік № 68 Масква — Сімферопаль, у выніку загінуў памочнік машыніста, машыніст атрымаў раненні.