«МЛ Віцебск» вылецеў з Лігі чэмпіёнаў

• 16.07.2026, 10:39

Футбалісты з Віцебска згуляюць у Лізе канферэнцый.

У сераду «МЛ Віцебск» прайграў у гасцях румынскай «Універсітатя» з Крайовы з лікам 0:1. У першым матчы тыдзень таму чэмпіён Беларусі быў жорстка біты — 1:4.

Аднак беларускі клуб працягне барацьбу ў другім раўндзе Лігі канферэнцый.

Яго супернікам будзе чарнагорская «Суцьеска», якая ў двух матчах першага раўнда Лігі чэмпіёнаў прайграла казахстанскаму «Кайрату» (1:2, 0:2).

Матчы адбудуцца 23 і 30 ліпеня.