«Барселона» упершыню падпісала кантракт з казахстанскім футбалістам

• 16.07.2026, 18:56

15-гадовы Карым Мендыканаў будзе выступаць за юнацкую акадэмію каталонскага клуба.

Казахстанскі вінгер Карым Мендыканаў падпісаў кантракт з «Барселонай», пра гэта ён паведаміў на сваёй старонцы ў Instagram.

15-гадовы Мендыканаў будзе выступаць за юнацкую акадэмію «Барселоны» — «Ла Масія».

«Вельмі ганаруся, што падпісаў кантракт з клубам майго жыцця», — напісаў спартовец пад фатаграфіяй з эмблемай клуба.

Мендыканаў стаў першым гульцом з Казахстана, які падпісаў кантракт з «Барселонай».

Футбаліст пачынаў кар'еру ў школе Astana Juniors. У 11 гадоў разам з бацькам пераехаў у Іспанію, дзе выступаў за «Серданьёлу» і «Сант-Кугат». Пазней яго заўважылі скаўты «Барселоны». У красавіку 2026 года атрымаў выклік у зборную Казахстана U-16.

У жніўні 2025 года англійскі «Чэлсі» падпісаў кантракт з 17-гадовым талентам «Кайрата» Дастанам Сатпаевым. Юнак застаўся ў Казахстане яшчэ на год і летам далучыцца да сістэмы лонданскага клуба.