Месі згуляе ў фінале ЧС супраць футбаліста, якога выкупаў 19 гадоў таму

• 16.07.2026, 21:29

Аргенціна сустрэнецца з Іспаніяй 19 ліпеня.

Футбаліст зборнай Аргенціны Ліянэль Месі згуляе ў фінале чэмпіянату свету з іспанцам Ламінам Ямалем, якога ён выкупаў у межах дабрачыннай акцыі — на момант здымка Ламіну Ямалю было некалькі месяцаў.

У 2007 годзе сям’я Ямаля атрымала магчымасць трапіць на фотасесію дзякуючы розыгрышу сярод тых, хто супрацоўнічаў з дабрачыннымі арганізацыямі. Яны выйгралі паездку на стадыён «Барселоны», а таксама фотаздымак з адным з футбалістаў каманды, не ведаючы, з кім менавіта яны сфатаграфуюцца.

Улетку 2024 года фота стала вядомым публіцы, калі бацька Ламіна апублікаваў здымак у сацсетках. Здымак хутка разляцеўся па ўсім свеце, асабліва на фоне яскравага выступлення 16-гадовага Ямаля на чэмпіянаце Еўропы, дзе ён дапамог Іспаніі заваяваць тытул.

У фінале 19 ліпеня ў Нью-Ёрку Аргенціна сустрэнецца з Іспаніяй, якая раней абыграла Францыю з лікам 2:0. Англія згуляе з Францыяй у матчы за трэцяе месца.