Украіна паралізавала амаль палову нафтаперапрацоўчых магутнасцяў РФ

• 30.07.2026, 14:18

Украінскія дроны і ракеты нанеслі рэкордную шкоду варожым НПЗ.

Маштабная кампанія дальнабойных удараў Украіны стала адной з прычын найглыбейшага паліўнага крызісу ў Расіі за апошнія дзесяцігоддзі.

Пра гэта паведамляе Financial Times.

Згодна з данымі выдання, у выніку ўкраінскіх удараў па расійскіх НПЗ было выведзена з ладу:

больш за 30% фактычных магутнасцяў па перапрацоўцы нафты;

больш за 45% намінальных магутнасцяў.

Журналісты звяртаюць увагу на тое, што рамонтныя работы на гэтых аб’ектах прасоўваюцца вельмі павольна. Усё гэта прыводзіць да таго, што наступствы ўкраінскіх глыбокіх удараў адчуваюцца яшчэ шмат тыдняў, а часам і месяцаў.

Выданне прааналізавала даныя S&P Global Energy і спадарожнікавыя здымкі найбуйнейшых расійскіх НПЗ. Высветлілася, што частка прадпрыемстваў дагэтуль не аднавіла поўнавартасную працу. Больш за тое, заводы ў Кірышах, Туапсэ, Самары і Сызрані на момант правядзення аналізу наогул не перапрацоўвалі нафту.

Паводле экспертаў, нават пасля аднаўлення працы прадпрыемствам спатрэбіцца больш за год, каб вярнуцца да папярэдняга ўзроўню прадукцыйнасці.

Сітуацыя ў краіне-агрэсарцы можа яшчэ больш пагоршыцца, бо расійскія сістэмы абароны ад беспілотнікаў не здольныя эфектыўна адбіваць масіраваныя ўкраінскія атакі.

Апошнія адкрытыя даныя сведчаць, што з пачатку 2026 года расійскія НПЗ не менш як 194 разы траплялі пад удары Сіл абароны Украіны.

Што важна разумець, гэта ў 11 разоў больш, чым за аналагічны перыяд летась.

«Украіна здзейсніла тэхналагічны прарыў, які дазволіў істотна павялічыць вытворчасць дальнабойных дронаў і наладзіць іх масавы выпуск», — патлумачыў новыя поспехі Сіл абароны кіраўнік праграмы па Еўразіі Нямецкай рады па знешняй палітыцы Штэфан Мастэр.