У Беларусі змянілі паказчык, ад якога залежаць крэдыты на жыллё

• 30.07.2026, 15:17

Рашэнне прыняў Нацбанк.

Нацбанк Беларусі знізіў разліковыя велічыні стандартнай рызыкі (РВСР) на жнівень. Гэтыя паказчыкі вызначаюць, пад які максімальны працэнт банкі могуць выдаваць крэдыты — напрыклад, на жыллё або аўтамабілі.

Для новых крэдытаў насельніцтва (акрамя ільготных) РВСР устаноўлена на ўзроўні 17,83% гадавых (цяпер — 17,96%).

Для новых безадзыўных укладаў насельніцтва ў рублях тэрмінам ад года да трох гадоў верхняя мяжа па стаўках у жніўні складзе 12,9% (цяпер яна — 13,32%). Верхнюю мяжу па ўкладах на тэрмін звыш трох гадоў панізілі з 14,81% да 14,62% гадавых.

Па новых інвестыцыйных крэдытах для кампаній і арганізацый (за выключэннем ільготных) гэты паказчык на жнівень устаноўлены на ўзроўні 10,69%.

Для новых крэдытаў, прадастаўленых кампаніям (за выключэннем ільготных, інвестыцыйных), верхнюю мяжу апусцілі да 12% гадавых.

Яшчэ адзін паказчык, на які фінустановы арыентуюцца пры выстаўленні працэнтных ставак па пазыках, — стаўка рэфінансавання. З 1 чэрвеня яе знізілі з 9,75% да 9,25% гадавых.