Новы галоўкам Узброеных Сіл Украіны Драпаты прыняў кардынальнае рашэнне

• 31.07.2026, 13:55

Яно датычыцца штурмавых палкоў.

Новы Галоўнакамандуючы Узброенымі Сіламі Украіны Міхаіл Драпаты распарадзіўся часова спыніць папаўненне штурмавых палкоў Сухапутных войскаў асабовым складам.

Пра гэта паведамляе «Украінская праўда» са спасылкай на ўласныя крыніцы ў чатырох штурмавых падраздзяленнях. Па словах суразмоўцаў выдання, з 26 ліпеня штурмавыя часткі больш не могуць атрымліваць вайскоўцаў з батальёнаў рэзерву, тэрытарыяльных цэнтраў камплектавання, а таксама прымаць пераводы з іншых падраздзяленняў.

«Мы цяпер не можам браць людзей з БРэзаў і ТЦК», — распавёў адзін з вайскоўцаў. Іншая крыніца паведаміла, што рашэннем Галоўкама была прыпыненая «пастаўка чалавечых рэсурсаў у штурмавыя вайсковыя часткі і падраздзяленні Сухапутных войскаў».

Таксама часова забаронены пераводы вайскоўцаў з іншых частак у штурмавыя палкі. Выключэнне пакуль датычыць толькі вайскоўцаў, якія вяртаюцца пасля самавольнага пакідання часткі праз механізм, прадугледжаны дадаткам «Армія+».

Гэтае рашэнне стала першым выпадкам, калі найвышэйшае ваеннае кіраўніцтва Узброеных Сіл Украіны абмежавала магчымасць пастаяннага пашырэння штурмавых падраздзяленняў.