Стала вядома, за колькі ў Мінску купілі самы дарагі дом у чэрвені

• 31.07.2026, 20:27

Яго плошча — каля 175 «квадратаў».

У чэрвені самы дарагі катэдж у сталіцы прадалі ў Ржаўцы. За яго заплацілі амаль $400 тыс., піша Realt.

Дом размешчаны ў катэджнай забудове 2010-х гадоў за Лебядзіным.

Катэдж быў пабудаваны ў 2010 годзе. Яго плошча — каля 175 «квадратаў». За яго заплацілі $396 769.

Дарэчы, гэты дом аказаўся не толькі самым дарагім, прададзеным у Мінску мінулага месяца, але і другім па кошце сярод прададзеных у чэрвені па ўсёй краіне. Нагадаем, лідарам стаў катэдж у Бараўлянах за $630 тыс.

Месяцам раней, у маі, самы дарагі дом Мінска быў прададзены ў «Алімпік Парку» ў Лебядзіным. Ён абышоўся пакупніку ў $1,8 млн.