У Польшчы заявілі пра прыкметы вычарпання запасаў ракет РФ

• 31.07.2026, 20:56

Што паказаў аналіз Х-101?

Даследаванне расійскай ракеты Х-101 у Польшчы паказала, што для удараў па Украіне Расія выкарыстоўвае нядаўна вырабленае ўзбраенне.

Пра гэта паведаміў міністр абароны Польшчы Уладзіслаў Касіняк-Камыш у сетцы X.

Польскія эксперты, у тым ліку спецыялісты Ваеннай жандармерыі, працягваюць даследаваць абломкі расійскай крылатай ракеты Х-101, якая была выяўленая пасля парушэння паветранай прасторы Польшчы.

Па яго словах, аналіз фрагментаў дазваляе атрымліваць усё больш інфармацыі пра паходжанне і час вырабу ракеты.

Як паведаміў Касіняк-Камыш, спецыялісты ўстанавілі, што ракета была выраблена ў другім квартале 2026 года на прадпрыемстве, размешчаным недалёка ад Масквы.

На думку польскага міністра, гэта можа сведчыць пра тое, што Расія выкарыстоўвае для удараў па Украіне ўзбраенне, вырабленае незадоўга да яго выкарыстання.

«Ракета была выраблена ў другім квартале гэтага года на заводзе недалёка ад Масквы. Гэта азначае, што Расія выкарыстоўвае для абстрэлаў Украіны ракеты, вырабленыя зусім нядаўна. Гэта пацвярджае інфармацыю, што расійскія ваенныя запасы вычарпаліся», - адзначыў Касіняк-Камыш.

Ён таксама падкрэсліў, што далейшая падтрымка Украіны застаецца важнай, бо, на яго думку, яна спрыяе набліжэнню заканчэння вайны і непасрэдна ўплывае на бяспеку еўрапейскіх дзяржаў.