У Маскве здарыўся пажар у храме Васіля Блажэннага

• 1.08.2026, 8:29

Яго лічаць адным з галоўных сімвалаў Расіі.

У Маскве на Чырвонай плошчы ў ноч на 1 жніўня здарыўся пажар у храме Васіля Блажэннага, які, як лічаць многія расіяне, з'яўляецца сімвалам Расіі. Пра гэта паведаміў Диалог.UA пасля маніторынгу сацсетак і мэсэнджараў.

Пра тое, што ў храме Васіля Блажэннага пачаўся пажар, стала вядома ўначы 1 жніўня, каля 01:37. Нягледзячы на ноч, вакол «сімвала Расіі» сабралася даволі шмат прахожых. Відавочцы сцвярджаюць, што адкрытага агню не было, але над купалам бачыўся дым. Таксама відавочцы расказалі пра моцны пах гару.

На месца здарэння прыбылі аператыўныя службы, у тым ліку 10 пажарных аўтамабіляў. Храм хутка ачапілі, а неўзабаве ўзгаранне патушылі. Прычына ўзгарання пакуль невядомая. У сацыяльных сетках пішуць, што ачаг узгарання нібыта знаходзіўся ў кабінеце дырэктара на першым паверсе, але афіцыйна гэтая інфармацыя пакуль не пацверджаная.

Гэта ўжо не першы выпадак пажару ў храме Васіля Блажэннага. Напрыклад, у 2002 годзе адбылося ўзгаранне купала «сімвала Расіі». Дарэчы, гэта было, як і ў 2026 годзе, у жніўні. Храм Васіля Блажэннага многія расіяне лічаць сімвалам Расіі. Яго пабудавалі ў 1555–1561 гадах па загадзе цара Івана Грознага «ў гонар» перамогі над Казанскім ханствам. Ён уваходзіць у Спіс сусветнай спадчыны ЮНЕСКА.