Над Лукашэнкам здзекаваліся з асаблівым цынізмам?

• Артэм Сініцын, «Салідарнасць»
• 1.08.2026, 8:53

Статуя каровы для дыктатара выклікае супярэчлівыя пачуцці.

Падарунак Лукашэнку ад «Савушкіна» выклікае дваякія пачуцці. З аднаго боку, гэта значна лепш, чым чарговы зняты з захоўвання савецкі БТР або БМП, якімі «упрыгожылі» беларускія гарады і паселішчы ў апошнія гады.

З другога — не пакідае думка пра тое, што падарунак атрымаўся з асаблівым цынізмам. У краіне, дзе каровы і цяляты штогод гінуць дзясяткамі тысяч пры адсутнасці эпідэмій, сама ідэя такога падношання, мякка кажучы, выглядае так сабе.

Асабліва, калі ўлічыць, што прычынай падэжу жывёлы з'яўляецца выбудаваная Лукашэнкам неэфектыўная мадэль кіравання. Менавіта яму, між іншым, належыць ідэя будаваць велізарныя малачна-таварныя комплексы — на фоне цэлага букета праблем, пачынаючы з вострага дэфіцыту кадраў і заканчваючы якасцю кармоў.

І колькі б кіраўнік ні выдаваў з сябе абаронцу няшчаснай жывёліны, менавіта ён, выдатна дасведчаны пра недасканаласць савецкай сістэмы кіравання, дагэтуль маніякальна трымаецца пасінелымі пальцамі за «захаваныя» калгасы.

Артэм Сініцын, «Салідарнасць»