У Кіеве з-за начной атакі РФ пашкоджаная амбасада Літвы
- 1.08.2026, 11:46
Андрэй Сібіга паказаў фота наступстваў.
Падчас маштабнай атакі Расіі на Кіеў у ноч на 1 жніўня быў пашкоджаны будынак амбасады Літвы ва Украіне.
Пра гэта паведамляе Charter97.org са спасылкай на допіс выконваючага абавязкі міністра замежных спраў Украіны Андрэя Сібігі у сацсетцы Х.
«У выніку маштабнай расійскай атакі на Кіеў будынак амбасады Літвы атрымаў нязначныя пашкоджанні. На шчасце, ніхто з супрацоўнікаў не пацярпеў», — паведаміў Сібіга.
As a result of Russia’s massive attack on Kyiv, the Lithuanian embassy suffered limited damage. Luckily, no employees have been harmed.
Russian terror spares no one and does not respect any international norms, including the Vienna convention. It can only be stopped through… pic.twitter.com/cDxQXrNyhG
— Andrii Sybiha 🇺🇦 (@andrii_sybiha) August 1, 2026
Ён адзначыў, што расійскі тэрор не шкадуе нікога і не паважае ніякіх міжнародных нормаў, у тым ліку палажэнняў Венскай канвенцыі. Яго можна спыніць толькі сілай і дастатковымі магчымасцямі супрацьпаветранай абароны.
«Выказваем салідарнасць з Літвой, маім калегам Кястуцісам Будрысам, паслом Інгай Станітэ-Толочкене і ўсімі нашымі сябрамі ў Міністэрстве замежных спраў Літвы. Мы гатовыя аказаць усю неабходную дапамогу», — дадаў міністр.
Нагадаем, у ноч на 1 жніўня Расія масіравана атакавала Кіеў балістычнымі ракетамі.
У выніку атакі загінулі дзевяць чалавек, яшчэ 30 атрымалі раненні, сярод іх чацвёра дзяцей.
Разбурэнні і пажары зафіксавалі ў пяці раёнах сталіцы Украіны — Салом'янскім, Дарніцкім, Шаўчэнкаўскім, Дняпроўскім і Пячэрскім.