Гэта любоў: калекцыянер сабраў паўсотні аўтамабіляў адной мадэлі

• 1.08.2026, 12:51

Амерыканец набывае іх ужо больш за 25 гадоў.

Джэф Хэлмс з ЗША з’яўляецца сапраўдным фанатам старых Chevrolet Chevelle. Амерыканец сабраў больш за паўсотні аўто гэтай мадэлі.

У калекцыі Джэфа Хэлмса — 53 Chevrolet Chevelle 60-х гадоў. Пра гэта паведамляе сайт Autoevolution.

Усе Chevrolet Chevelle належаць да першага пакалення (1964–1967 гады). Амерыканец набывае іх ужо больш за 25 гадоў і з’яўляецца сапраўдным экспертам па гэтай мадэлі — ведае пра яе ўсё.

Джэф Хэлмс сабраў практычна ўсе магчымыя мадыфікацыі Chevrolet Chevelle першага пакалення — седаны, універсалы, купэ і кабрыялеты з шасці- і васьміцыліндравымі рухавікамі.

На аўташоў Muscle Car and Corvette Nationals у Ілінойсе Джэф Хэлмс прывёз жамчужыны сваёй калекцыі — два лімітаваныя Chevrolet Chevelle Z16 1965 года. Гэтыя зараджаныя купэ выпусцілі ўсяго 200, а да нашых дзён захавалася толькі 79.

Chevrolet Chevelle Z16 — асаблівая версія спорткара з 6,5-літровым V8 магутнасцю 375 к.с. і палепшанымі падвескай і тармазамі. Ён здольны разганяцца да 100 км/г за 6,7 с і развіваць больш за 200 км/г.

Адметна, што адзін Chevrolet Chevelle Z16 у Джэфа Хэлмса ў ідэальным стане пасля рэстаўрацыі, а другі — стаяў з 1983 па 2001 год без руху, і яго вырашылі не аднаўляць, а толькі адрамантавалі рухавік.