Дроны атакуюць расійскія Саратаў і Энгельс: пад ударамі НПЗ і авіябаза

• 2.08.2026, 8:38

Пад удар маглі трапіць самалёты стратэгічнай авіяцыі РФ Ту-95 і Ту-160.

У расійскім горадзе Саратаве, а таксама ў суседнім Энгельсе раздаюцца выбухі і пачаўся пажар. Паводле паведамленняў мясцовых, пад атакай дронаў знаходзяцца НПЗ і прамзона.

Маніторынгавыя каналы паведамляюць, што можа ісціся пра трапленне па Саратаўскім НПЗ і мясцовай прамзоне. Пра гэта адзначаюць спецыялісты праекта Exilenova+.

Таксама маніторынгавыя каналы паведамляюць пра шэраг выбухаў у горадзе Энгельс Саратаўскай вобласці ў раёне аэрадрома. Менавіта на гэтым аэрапорце базуюцца самалёты стратэгічнай авіяцыі РФ Ту-95 і Ту-160.

Выданне Astra пацвярджае факт узгарання і выбухаў у Саратаве і Энгельсе. Там дадаюць, што мясцовыя чулі гучныя гукі і бачылі пачатак узгарання пасля траплення.

Пазней маніторынгавыя публікі паведамілі, што з-за працы расійскай СПА адбыўся выбух БПЛА, а таксама ўзгаранне ў шматпавярхоўцы. Пакуль дакладнай інфармацыі яшчэ не паступала, а расійскія афіцыйныя органы пакуль не каментуюць факт атакі.

Пазней праект Falcon Insight пацвердзіў факт траплення па мясцовым НПЗ. Паводле слоў спецыялістаў праекта, пад ударам апынуліся ўстаноўка каталітычнага рэфармінгу ЛЧ-35-11/600, устаноўка ЭЛОУ-АВТ-6, устаноўка каталітычнага рэфармінгу Л-35-11/300, а таксама ўстаноўка ізамерызацыі пентан-гексанавой фракцыі.

«Адзін з ачагоў пажару, магчыма, з'яўляецца вынікам гарэння факельнай устаноўкі», — пішуць спецыялісты.