Японія запатрабавала змяніць новую карту свету

• 11.09.2026, 11:23

З-за абазначэння Курылаў.

Японія запатрабавала змяніць новую карту свету ў праекцыі Equal Earth, за выкарыстанне якой раней прагаласавала Генеральная Асамблея ААН. Токіа абурыла тое, што спрэчныя астравы паўднёвай часткі Курыльскай грады абазначаныя на карце тым жа колерам, што і Расія, паведамляе «Радыё Свабода».

Японія была сярод 164 краін, якія падтрымалі рэзалюцыю. Украіна ўвайшла ў лік шасці, што ўстрымаліся: Кіеў заявіў, што на карце анексаваны Расіяй Крым абазначаны колерам, адрозным ад астатняй тэрыторыі Украіны, і папярэдзіў, што падобнае адлюстраванне стварае небяспечны прэцэдэнт. Супраць рэзалюцыі прагаласавалі ЗША.

Афіцыйны прадстаўнік урада Японіі Мінору Кіхара заявіў у чацвер, 10 верасня, што карта «змяшчае адлюстраванне, якое супярэчыць пазіцыі ўрада Японіі».

«Мы накіравалі пратэст аператару сайта, які размясціў карту, дыпламатычнымі каналамі, запатрабаваўшы выправіць гэтае адлюстраванне», — сказаў Кіхара. Паводле яго слоў, Токіа лічыць неабходным не дапусціць распаўсюджвання «памылковых уяўленняў» аб прыналежнасці тэрыторый і геаграфічных назвах.

Генасамблея ААН 4 верасня падтрымала рэзалюцыю з заклікам выкарыстоўваць праекцыю Equal Earth замест традыцыйнай праекцыі Меркатара. У ААН заявілі, што яна дазваляе дакладней адлюстроўваць рэальныя суадносіны плошчаў кантынентаў: у прыватнасці, Афрыка выглядае значна большай, а Паўночная Амерыка і Еўропа — менш, чым на звыклых картах у праекцыі Меркатара.