Алеся Бяляцкага ўганаравалі прэстыжнай узнагародай у ЗША

• 11.09.2026, 12:18

Цырымонія ўручэння ўзнагарод адбылася ў маёнтку першага амерыканскага прэзідэнта.

Беларускі праваабаронца, лаўрэат Нобелеўскай прэміі міру і былы палітвязень Алесь Бяляцкі стаў уладальнікам медаля «За служэнне дэмакратыі» ад Нацыянальнага фонду ў падтрымку дэмакратыі (NED). Пра гэта паведаміла сама амерыканская арганізацыя.

Цырымонія ўручэння ўзнагарод адбылася 10 верасня ў маёнтку першага прэзідэнта ЗША Джорджа Вашынгтона.

Акрамя Бяляцкага, сёлета ўзнагародамі былі адзначаныя і іншыя праваабаронцы і актывісты: антываеннае аб’яднанне духавенства Friede Allen — Peace Upon All, журналісты эфіопскага выдання Addis Standard, арганізатары пратэстнага руху «Вясновая рэвалюцыя» ў М’янме, кубінскія актывісты, а таксама Сірыйскі цэнтр СМІ і свабоды слова.

«Лаўрэаты гэтага года нагадваюць нам, што імкненне да свабоды, якое натхніла заснаванне Амерыкі, і дагэтуль рухае людзьмі па ўсім свеце — і застаецца адной з самых магутных сіл, што фармуюць нашу будучыню», — заявілі арганізатары прэміі.