Украіна магутна атакавала Волгаград ракетамі «Фламінга»

• 11.09.2026, 12:29

Пад ударам апынуўся падсанкцыйны завод.

Сілы абароны Украіны у ноч на пятніцу, 11 верасня, атакавалі крылатымі ракетамі FP-5 «Фламінга» прадпрыемства «Волгаградпрампраект» у расійскім горадзе Волгаград, паведамляе ўкраінская абарончая кампанія Fire Point.

Зафіксавана трапленне ракет у мэту, у выніку чаго ўзнік пажар, гаворыцца ў паведамленні.

«Волгаградпрампраект» вырабляе каталізатары згарэння з утрыманнем фероцэну і распрацоўвае тэхналогіі вытворчасці хімічных рэчываў. Завод знаходзіцца пад санкцыямі ЗША з-за працы на расійскі вайскова-прамысловы комплекс.

Раней паведамлялася пра выбухі ў Волгаградзе. Расійскі губернатар заяўляў пра падзенне «абломкаў» ракет на тэрыторыі прамысловага прадпрыемства, а маніторынгавыя рэсурсы паведамлялі пра пажары.

Таксама ўначы паведамлялася пра атаку на расійскі Саратаў, дзе дроны паразілі нафтаперапрацоўчы завод і склад маркетплэйса Ozon. Узніклі маштабныя пажары.