Незвычайную ферму пад Гроднам прададуць з малатка

• 11.09.2026, 12:51

Ужо ёсць пяць прэтэндэнтаў на куплю.

Непадалёк ад Гродна прадаюць ферму па вырошчванні шампіньёнаў. Вытворчасць і зямельныя ўчасткі знаходзяцца каля вёскі Вулькаўцы, як вынікае з апісання лота на пляцоўцы «БелЮрОбеспечение».

У склад лота ўваходзіць цэлае прадпрыемства плошчай 3 тыс. м². Судзячы з фота, вытворчасць новая, унутры ёсць інфраструктура і абсталяванне, у тым ліку комплексная лінія для прыгатавання фруктова-ягаднага напаўняльніка з вакуумным астуджэннем.

Акрамя завода, прапануецца і тэрыторыя, што складаецца з больш як 10 невялікіх зямельных участкаў.

Аўкцыён адбудзецца ўжо 22 верасня, і стартавая цана можа здзівіць — 10,2 млн рублёў. Тым не менш лот ужо дадалі ў абранае 5 удзельнікаў.

Тым больш, што на аб’екце ёсць абцяжарванні. Уладальнік фермы прадае яе за даўгі. Акрамя таго, ў закладзе знаходзіцца права арэнды зямельнага ўчастка, таксама аформленая іпатэка і дзейнічае забарона на рэгістрацыю нерухомасці.

Гэта будзе ўжо чацвёртая спроба прадаць ферму. Цікава, што цэны ў папярэднія тры разы былі значна ніжэйшыя — 3,1 млн, 4,2 млн, 5,2 млн рублёў.