Стаў вядомы лёс зніклай цяжарнай жанчыны ў Мінску

• 11.09.2026, 12:55

Яе забіў бацька будучага дзіцяці.

Учора з'явілася інфармацыя, што ў Мінску разыскваюць 43-гадовую Таццяну Марцішчанку. З 8 верасня жанчына не з'яўлялася дома і не выходзіла на сувязь.

Пра яе лёс паведаміла МУС.

Аператыўнікі крымінальнага вышуку пры сілавой падтрымцы байцоў «Алмаза» затрымалі 38-гадовага жыхара сталіцы, падазраванага ў забойстве 43-гадовай мінчанкі.

Мужчына прызнаўся, што быў у блізкіх адносінах з загінулай і ведаў, што яна чакае ад яго дзіцяці. Пры гэтым сам ён афіцыйна быў у іншых адносінах, з-за чаго паміж ім і ахвярай рэгулярна ўзнікалі канфлікты.

Падчас чарговай сваркі ён некалькі разоў ударыў жанчыну нажом, паклаў цела ў дарожную сумку, вывез за горад і закапаў. Па дарозе пазбавіўся ад доказаў — акрываўленай вопраткі і яе смартфона.

Дачка загінулой заявіла пра знікненне маці ў міліцыю праз два дні пасля забойства. Падазраванага затрымалі цягам сутак. Сваю віну ён прызнаў.