Пашынян зрабіў рэзкую заяву пра расійскі газ

• 11.09.2026, 15:08

Ерэван будзе шукаць альтэрнатыву.

Прэм’ер-міністр Арменіі Нікол Пашынян заявіў, што не лічыць расійскі газ танным, і паведаміў пра дыверсіфікацыю краіны ў энергетычнай сферы. Такім чынам кіраўнік армянскага ўрада зрабіў чарговы крок ад Масквы, паведамляе newsarmenia.am.

Паводле яго слоў, пры фармаванні канчатковага кошту газу ў Арменіі ўзнікае значная розніца паміж цаной на мяжы і той, якую плаціць спажывец. На брыфінгу Пашынян адзначыў, што ў параўнанні з іншымі краінамі менавіта ў Арменіі назіраецца самае высокае цэнаўтварэнне на ўчастку ад мяжы да канчатковага спажыўца.

Ён таксама падкрэсліў неабходнасць дыверсіфікацыі энергетычных крыніц, каб знізіць залежнасць краіны ад аднаго пастаўшчыка. Акрамя таго, палітык паабяцаў перагледзець цэны на тавары, якія закупляе Расія, калі кошт газу будзе расці, тым самым Пашынян паабяцаў Крамлю адказваць сіметрычна.