Лукашэнка: Каму сёння патрэбны долар? Ужо нікому не патрэбны

• 11.09.2026, 16:27

Дыктатар заклікаў беларусаў не трымаць запасы ў доларах.

Трымаць долары ў рэзерве небяспечна. Пра гэта Аляксандр Лукашэнка заявіў журналістам, дзялячыся падрабязнасцямі нядаўняй сустрэчы з расійскім бізнесменам Уладзімірам Патаніным, піша БелТА.

«Багацейшы чалавек у Расіі. Ён гатовы інвеставаць. Адзінае, пра што мы тэарэтычна разважалі, — сёння беларусы, як і іншыя, бачаць: каму сёння патрэбны долар? Ужо нікому не патрэбны», — заявіў дыктатар.

Лукашэнка прывёў у прыклад Расію, у якой на Захадзе заблакавалі некалькі сотняў мільярдаў долараў залатавалютных рэзерваў.

«Можна ўявіць, што будзе з… Хай даруюць мне Эміраты, нашы сябры, у якіх прыкладна трыльён. Што яны будуць рабіць з гэтымі доларамі?» — спытаў Лукашэнка.