Украінскія дроны знішчылі два ЗРК «Панцыр-С1» і РЛС расіян

• 11.09.2026, 16:30

ЗСУ нанеслі ўдар па шэрагу важных ваенных аб'ектаў праціўніка.

У Таганрозе Растоўскай вобласці РФ паражаныя два зенітныя ракетна-гарматныя комплексы «Панцыр-С1», паведамляе Генштаб ЗСУ.

У Бярозках Бранскай вобласці РФ паражана радыёлакацыйная станцыя праціўніка.

У Данецку паражана месца захоўвання, падрыхтоўкі і запуску ўдарных БПЛА.

У Пятрапаўлаўцы Луганскай вобласці паражаны цэнтр падрыхтоўкі аператараў БПЛА падраздзялення «Ахмат». Цэнтр спецыялізуецца на падрыхтоўцы аператараў FPV-дронаў і іншых беспілотных сістэм.

У Снежным Данецкай вобласці паражаны Снежнянскі машынабудаўнічы завод.

Паводле дадзеных Генштаба, Снежнянскі машынабудаўнічы завод спецыялізуецца на вытворчасці дэталяў для газатурбінных рухавікоў, у прыватнасці дыскаў і лопасцяў кампрэсараў і турбін. Прадпрыемства выкарыстоўваецца расійскай абароннай прамысловасцю для вытворчасці прадукцыі ваеннага прызначэння, у тым ліку кампанентаў для авіяцыйных рухавікоў.