Лукашэнка выдаў сябе сваімі дзіўнымі эмоцыямі

• Арцём Сініцын, «Салідарнасць»
• 13.09.2026, 9:08

«Здзіўленне» дыктатара лёгка зразумець.

Здзіўленне дня. «Віцебская вобласць — самая шчаслівая! Хто б мог падумаць?»

Лукашэнка азнаёміўся з вынікамі даследавання па актуальных пытаннях сацыяльна-эканамічнага развіцця Беларусі, якое ў ліпені–жніўні 2026 года праводзіў праўладны Інстытут сацыялогіі НАН Беларусі.

Выступаючы перад дзяржпрэсай на палігоне пад Баранавічамі, ён прадэманстраваў ва ўсёй красе сваю веру ў прыдворную сацыялогію.

«Я здзівіўся: Віцебская вобласць — самая шчаслівая! Хто б мог падумаць? Значыць, усё ж такі людзі ў нас моцныя. Мы будзем рабіць усё для таго, каб віцябляне і далей не былі расчараваныя».

Здзіўленне Лукашэнкі лёгка зразумець. На словах ён не раз ледзь не хаваў рэгіён. То публічна прызнаваўся на «Дажынках» у Полацку некалькі гадоў таму, што баіцца ўбачыць гэты край безлюдным. То ў парыве гневу, дакараючы мясцовых чыноўнікаў, казаў, што мы можам абысціся без Віцебскай вобласці.

Менавіта тут першымі пачалі аддаваць узбекскім бізнесменам загубленыя гаспадаркі — цалкам і па частках. Віцебскія прадпрыемствы, што не вытрывалі «моцных рук» дзяржавы, пераходзяць пад крыло набліжанага да палаца бізнесу.

Пры такіх уводных вынікі даследавання настрояў жыхароў Віцебшчыны і праўда дзіўныя. Праўда, рэакцыя кіраўніка на гэты «цуд» сацыялогіі не ўсяляе аптымізму. Перакладаючы на простую мову: «Вы шчаслівыя пасля ўсяго таго, што мы з вамі зрабілі? Працягваем у тым жа духу».

Арцём Сініцын, «Салідарнасць»