Расія сутыкнулася з праблемамі паставак рэактыўных рухавікоў для БПЛА з Кітая

• 13.09.2026, 9:15

Украінская разведка выявіла цікавыя факты.

Прадстаўнік Галоўнага ўпраўлення разведкі Міністэрства абароны Вадзім Скібіцкі заявіў, што ў Расіі пачаліся праблемы з рухавікамі для БПЛА. У прыватнасці, гаворка пра рэактыўныя рухавікі, якія пастаўляліся з Кітая.

Паводле слоў вайскоўца, менавіта міжнародныя санкцыі адыгрываюць вызначальную ролю ў аслабленні расійскай вытворчасці беспілотнікаў. Пра гэта ён заявіў падчас канферэнцыі YES Annual Meeting 2026, паведамляе РБК-Украіна.

«Мы ведаем усе прадпрыемствы і кампаніі, якія ўдзельнічаюць у вытворчасці, у тым ліку ў сумеснай вытворчасці з кітайскімі кампаніямі. Але, на жаль, многія з іх знаходзяцца далёка ад нашай мяжы — больш як за 2000 кіламетраў», — сказаў прадстаўнік ГУР.

Паводле слоў Скібіцкага, санкцыйны ціск ужо стварае для Расіі праблемы з атрыманнем рэактыўных рухавікоў для беспілотнікаў, якія імпартуюцца з Кітая. Ён адзначыў, што Пекін усведамляе магчымыя наступствы далейшых паставак у РФ для ўласнай прамысловасці. Ідзе, у прыватнасці, пра рызыкі, звязаныя з перадачай хімічных элементаў і электронных кампанентаў.

«ГУР мае афіцыйныя дакументы і справаздачы Генеральнага штаба РФ, адрасаваныя міністру абароны РФ, пра сур'ёзныя праблемы з дастаўкай кампанентаў з Кітая ў Расію. Гэта сапраўды працуе», — заявіў прадстаўнік ГУР.