Расія атакавала пасажырскі цягнік за 2 км ад мяжы з Польшчай
- 13.09.2026, 13:45
Удар быў нанесены ў Валынскай вобласці.
Расійскія войскі 13 верасня нанеслі ўдар па лакаматыву пасажырскага цягніка на Валыні. Атака адбылася недалёка ад мяжы з Польшчай.
Пра гэта паведамляе «Укрзалізніца».
«Сёння на Валыні, у двух кіламетрах ад мяжы з Польшчай, вораг нанёс удар па лакаматыву пасажырскага цягніка», — гаворыцца ў паведамленні.
У «Укрзалізніцы» адзначылі, што маніторынгавая група загадзя выявіла пагрозу і папярэдзіла пра яе цягніковую брыгаду.
Дзякуючы гэтаму ўдалося пазбегнуць пацярпелых. У кампаніі не паведамляюць пра параненых у выніку гэтай атакі.
«Укрзалізніца» працягвае сачыць за паветранымі пагрозамі і прымае меры дзеля бяспекі пасажыраў і чыгуначнікаў.