Украінскія беспілотнікі знішчылі расійскі «Солнцепек»

• 13.09.2026, 19:38

Агнямётную сістэму накрылі непасрэдна падчас баявой працы.

На Купянскім напрамку, на левым беразе, аператары батальёна беспілотных сістэм «Legion» 33-й асобнай механізаванай брыгады паразілі расійскую цяжкую агнямётную сістэму ТОС-1А «Солнцепек».

Як паведамляе «Цэнзар.НЕТ», аператары БПЛА выявілі варожую тэхніку падчас яе баявых дзеянняў па пазіцыях Сіл абароны Украіны. Пасля гэтага па мэце накіравалі ударныя беспілотнікі.

У выніку атакі расійская ТОС-1А «Солнцепек» была знішчана, што пазбавіла акупантаў магчымасці ў далейшым выкарыстоўваць яе для нанясення удараў па ўкраінскіх пазіцыях.