У Вроцлаве прадставяць кнігу «Беларусь Наталлі Радзіны»

• 14.09.2026, 8:00

Сустрэча адбудзецца 24 верасня.

Новую кнігу вядомага гісторыка і публіцыста Юрыя Фельштынскага «Беларусь Наталлі Радзіны: журналістка супраць дыктатара» прадставяць у польскім Вроцлаве.

У сустрэчы, якая адбудзецца 24 верасня а 18-00 у офісе «Суполкi Беларусаў Уроцлава» па адрасе Tadeusza Kościuszki 35A/51, возьмуць удзел галоўная рэдактарка сайта Charter97.org Наталля Радзіна, трохразовая прызёрка Алімпійскіх гульняў, чэмпіёнка свету і Еўропы па плаванні Аляксандра Герасіменя і каардынатар грамадзянскай кампаніі «Еўрапейская Беларусь» Яўген Афнагель.

Новая кніга вядомага гісторыка і публіцыста Юрыя Фельштынскага — гэта гісторыя Беларусі, убачаная праз прызму жыцця Наталлі Радзіны, праз супраціў журналісткі, што апынулася ў эпіцэнтры палітычнай барацьбы і адмовілася падпарадкоўвацца дыктату. Гэта гісторыя пра мужнасць, прынцыповасць, бескампраміснасць і цану свабоды. Праз лёс аднаго журналіста прасочваецца лёс народа, які не перастае змагацца за свабоду.

На старонках кнігі з'яўляюцца і многія вядомыя сучаснікі — Станіслаў Шушкевіч, Даля Грыбаўскайце, Лех Валэнса, Анджэй Вайда, Барыс Нямцоў, Леанід Неўзлін, Хілары Клінтан і іншыя.

Гэтая кніга будзе цікавая не толькі гісторыкам, журналістам і палітолагам, але і ўсім, хто хоча лепш зразумець Беларусь і яе сучасную гісторыю.

Прэзентацыя адбудзецца 24 верасня, у чацвер, а 18:00

Адрас: Вроцлаў, офіс «Суполкi Беларусаў Уроцлава», Tadeusza Kościuszki 35A/51 (на дамофоне націснуць 51, падняцца на адзін паверх, ісці па стрэлках з надпісам «Суполка Беларусаў Уроцлава»).