CBS: Караблі ВМС ЗША ў Аравійскім моры прыведзены ў павышаную гатоўнасць

• 14.09.2026, 7:40

Еменскія хусіты прасунуліся ўздоўж узбярэжжа да Баб-эль-Мандэбскай пратокі.

Экіпажы амерыканскага авіяносца USS George Washington і ракетных эсмінцаў у Аравійскім моры прыведзены ў стан павышанай гатоўнасці. Рашэнне прынята з-за магчымай пагрозы ў Чырвоным моры з боку сіл шыіцкага руху «Ансар Аллах» (хусітаў). Пра гэта паведамляе CBS News.

Як паведамляе тэлеканал, павышэнне ўзроўню баявой гатоўнасці ВМС ЗША звязана з тым, што еменскія хусіты прасунуліся ўздоўж узбярэжжа да Баб-эль-Мандэбскай пратокі.

На мінулым тыдні сілы «Ансар Аллах» захапілі партовы горад Мока, паведамляла Reuters са спасылкай на крыніцы. Акрамя таго, хусіты ўзялі пад кантроль усё еменскае ўзбярэжжа Чырвонага мора, раней падкантрольнае ўрадавым войскам.

Як паведамляў Axios, спадчынны прынц Саудаўскай Аравіі Мухамед бін Салман двойчы звязваўся па тэлефоне з прэзідэнтам ЗША Дональдам Трампам з просьбай нанесці ўдары па пазіцыях хусітаў. Амерыканскі прэзідэнт адмовіў.