Адразу ў трох гарадах Беларусі павысіўся ўзровень радыяцыі

• 14.09.2026, 7:55

Ідзе пра Магілёў, Брагін і Слаўгарад.

Белгідрамет прадставіў абноўленыя даныя пра радыяцыю ў Беларусі. Так, узроўні магутнасці дозы гамма-выпраменьвання за тыдзень павысіліся адразу ў трох гарадах.

Ідзе пра Магілёў (3 верасня было 0,11 мкЗв/гадз, 10-га стала 0,12 мкЗв/гадз), Брагін Гомельскай вобласці (было 0,47 мкЗв/гадз, стала 0,48 мкЗв/гадз) і Слаўгарад на Магілёўшчыне (было 0,17 мкЗв/гадз, стала 0,18 мкЗв/гадз).

А ў Брэсце, Гомелі, Гродне, Віцебску, Мінску ўзроўні магутнасці дозы гамма-выпраменьвання складаюць 0,10 мкЗв/гадз. Спецыялісты адзначылі, што ўсе зафіксаваныя ў сталіцы і абласных цэнтрах значэнні адпавядаюць прыроднаму радыяцыйнаму фону.

У «забруджаных» гарадах Брагіне і Слаўгарадзе паказчыкі знаходзяцца на ўзроўні шматгадовых значэнняў. У цэлым радыяцыйная сітуацыя ў краіне стабільная, паведамілі ў Белгідрамеце.