Прэм'ер Канады абвясціў пра «унікальны альянс» з Еўрасаюзам

• 14.09.2026, 8:22

ЕС і Канада маюць намер стварыць стратэгічны саюз у сферы гандлю, абароны і тэхналогій.

Канада мае намер заключыць з Еўрапейскім саюзам «унікальны альянс». Пра гэта заявіў прэм'ер-міністр краіны Марк Карні, паведамляе CBC.

«Да чаго мы імкнемся і пра што пачнем гаварыць, — гэта ўнікальны альянс з Еўрапейскім саюзам. Мы падзяляем аднолькавыя каштоўнасці, маем тыя ж прыярытэты і ўзаемадапаўняльныя моцныя бакі», — заявіў Карні.

Да гэтага агенцтва Bloomberg паведамляла, што Еўрасаюз і Канада плануюць 16 верасня абвясціць пра стварэнне стратэгічнага альянсу ў сферы гандлю, абароны і тэхналогій. Паводле звестак агенцтва, старшыня Еўракамісіі Урсула фон дэр Ляен прадставіць план новага партнёрства ў Страсбургу.

Адзначалася, што бакі хочуць максімальна зблізіцца, аднак пра паўнавартаснае сяброўства Канады ў ЕС не ідзе гаворка. Штуршком да абвастрэння стала жнівеньскае рашэнне Вашынгтона ўвесці 50-працэнтныя пошліны на канадскія тавары на агульную суму $27,6 млрд.