Сярэдняя працягласць жыцця навабранца РФ на фронце складае 20–30 хвілін

• 14.09.2026, 8:36

Акупацыйная армія нясе велізарныя страты.

Генералы акупацыйнай арміі звярнуліся да расійскага дыктатара Уладзіміра Пуціна з просьбай мабілізаваць 800 тысяч чалавек пасля так званых выбараў, якія адбудуцца ў Расіі ў верасні.

Пра гэта ў інтэрв'ю The Times заявіў начальнік Галоўнага ўпраўлення разведкі Мінабароны Украіны Алег Івашчанка.

Ён паставіў пад сумнеў здольнасць Расіі адначасова мабілізаваць такую колькасць людзей і адзначыў, што акупацыйная армія нясе велізарныя страты на фронце — сярэдняя працягласць жыцця расійскага навабранца пасля прыбыцця на поле бою складае ад 20 да 30 хвілін.

«Расія набірае прыблізна 1000 чалавек штодня, часам — 1200. Але паглядзіце на гэтыя страты. Учора — 1410, пазаўчора — 1551. З іх 835, каля 60%, — загінулыя ў баі. […] Маральны дух праціўніка вельмі нізкі, бо ніхто не хоча ваяваць. І настрой насельніцтва Расіі такі ж: большасць людзей насамрэч не хочуць вайны», — адзначыў Івашчанка.