У двух раёнах на Міншчыне будуць бачныя людзі ў камуфляжы

• 14.09.2026, 9:34

14–16 верасня будуць праходзіць вучэнні.

На Міншчыне 14–16 верасня праводзяцца вучэнні з тэрытарыяльнымі войскамі Чэрвеньскага і Бярэзінскага раёнаў, паведамілі ў Мінабароны.

З 25 жніўня ў Бярэзінскім і Чэрвеньскім раёнах ідуць вучэбныя зборы з ваеннаабавязанымі тэрытарыяльных войскаў. 14–16 верасня яны будуць удзельнічаць у камандна-штабных вучэннях.

«Асаблівая ўвага будзе нададзена ўзаемадзеянню тэрытарыяльных войскаў з органамі ўнутраных спраў, падраздзяленнямі ўнутраных войскаў, а таксама атрадамі народнага апалчэння ў ходзе аховы важных аб'ектаў, забеспячэння ваеннага становішча і барацьбы з дыверсійнымі групамі праціўніка», — паведамілі ў Мінабароны.