Пад Гроднам грыбнік наткнуўся на паляну з незвычайнымі дрэвамі

• 14.09.2026, 11:25

Фотафакт.

Жыхар Гродна падчас паходу па грыбы выявіў у лесе чатыры 152-міліметровыя артылерыйскія снарады часоў Другой сусветнай вайны. Боепрыпасы знаходзіліся прама ў ствалах дрэў, паведамілі ў УУС Гродзенскага аблвыканкама.

Незвычайную знаходку мужчына зрабіў у лесе недалёка ад Агародніннай фабрыкі пад Гроднам. Правяраючы чарговую паляну, ён звярнуў увагу на дзіўныя ствалы дрэў — прама ў іх знаходзіліся чатыры 152-міліметровыя снарады часоў вайны.

«Найбольш верагодны сцэнар быў такі, што падчас баявых дзеянняў боепрыпасы былі складзеныя на зямлі і злёгку прысыпаныя. Потым пра іх забыліся, а праз дзесяцігоддзі тут з’явіўся лес, і снарады былі паднятыя дрэвамі, якія раслі», — пракаментавалі ў міліцыі.

Сапёры вывезлі і знішчылі снарады, а неабыякавага беларуса, які паведаміў пра знаходкі і паказаў іх дакладнае месцазнаходжанне, падзякавалі.

У УУС адзначылі, што падобны выпадак у Гродне ўжо здарыўся каля шасці гадоў таму: падчас рэканструкцыі казармаў на вуліцы Пралетарскай боепрыпас выявілі ў ствале таполі.